Waziri wa Elimu na Mafunzo ya Amali Zanzibar Mhe Lela Muhamed Mussa amesema kuboresha maslahi ya walimu ni jambo la kupewa kipao mbele ili waweze kuleta ufanisi mzuri katika kazi yao. Amesema hayo wakati mkutano wa majadiliano juu uboreshaji wa elimu duniani (school2030) uliofanyika katika hoteli ya Serena Dar- es- salam. Amesema ili walimu wafanye kazi kwa bidii na ubunifu mkubwa ni vyema na wao kuwapatia maslahi mazuri zaidi. Aidha akizungumzia suala la uboreshwaji elimu amesema dunia nzima inaboresha elimu kwa kila hali hivyo na Zanzibar imejipanga kuhakikisha inafikia malengo hayo ya dunia kwa kuboresha maslahi ya walimu,vifaa na miundombinu. Mkutano huo wa siku tatu umehudhuriwa na wadau wa elimu takribani 200 kutoka nchi 25 dunia ikiwemo Zanzibar.